Мөргөцөг (Face) - Ажил явагдаж буй штрек, хөндлөн огтлол, газар доорх байгууламжийн төгсгөл.

Хагарал (Fault) - Тектоник хүчний нөлөөллөөр газарт хагарал үүсч нэг тал нь дээш нөгөө тал нь доош шилжихийг хэлнэ.

Техник эдийн засгийн үнэлгээ (Feasibility) - Уурхайн хөрөнгө оруулалт, үйл ажиллагааны өртөг зардлыг тооцон, тухайн ордыг ашигтайгаар олборлогдох эсэхийг судлан тооцоолсон тайлан. Хээрийн жонш (Feldspar) Микроклин, ортоклаз, плагиоклаз болон бусад эрдсийг агуулсан жирийн бүлэг чулуулаг.

Фельзит (Felsic) - Хээрийн жонш, түүний төрлийн чулуулаг, цахиур агуулсан цайвар өнгийн чулуулгийг илэрхийлэхэд хэрэглэгддэг нэр томъёо.

Төмөртэй (Ferrous) - Төмөр агуулагч.

Үнэт металлын сорьц (Fineness) -Гулдмай буюу эрдэнэс бүхий алт, мөнгөний цэвэр тоон харьцаа бөгөөд мянганы хувиар илэрхийлэгдэнэ. 925 цэвэр алт гэдэг нь 1000-аас 925 нь цэвэр буюу 92.5% хувийн цэвэр алтыг заана.

Хагарал ан цав (Fissure) - Чулуулаг дахь үргэлжилсэн цуурал, тасрал, хагарал.

Үндсэн хөрөнгө (Fixed assets) Байшин барилга, машин тоног төхөөрөмж, газар зэрэг эзэмшиж буй зүйлс. Бизнесийн хэвийн мөчлөгийн үед бэлэн мөнгөнд хөрвөх боломжгүй эргэлтийн хөрөнгөөс өөр үндсэн хөрөнгө.

Хөдлөл (Float) - Цэвдэг, мөсдөлт зэрэг байгалийн хүчний үйлчлэлээр чулуулгийн хэсгүүд өөрийн байрлалаасаа ховхрох, хөдлөх.

Хөвөлт үүсэх (Flotation) - Үнэ цэнэтэй эрдсийн хэсгүүд хөвж хөөсөнд наалдаж байхад бусад хэсэг нь живдэг баяжуулах үйл явц.

Үйлдлийн дарааллын график (Flowsheet) - Хүдрийг бутлах, баяжуулах буюу цутгах үйл явц зэрэг үйл ажиллагааны дарааллыг алхам алхмаар үзүүлсэн зурагт тайлбар. Хувьцаагаарх урсгал (Flow-through shares) - Ордод хайгуул хийх зорилгоор компаниас гаргасан хувьцааны хөрөнгийг татварт ногдох орлогоос хассан үзүүлэлт.

Техникийн шингэн (Flux) - Төмрийн шаар зэрэг шатаах зуухны температурт шингэн байдалтай байгаа хоосон чулуулгийг хатууруулахад хэрэглэдэгхимийн бодис.

Соронзон хэмжигч (Fluxgate magnetometer) - Нийт соронзон орныг хэмжих геофизикийн багаж.

Атираа (Fold) - Чулуулгийн давхаргууд нумрах, нугаларах.

Ул чулуулаг (Footwall) - Хүдэр болон судлын тогтцын доор орших ул чулуулаг. Форвардын гэрээ (Forward contract) -Ирээдүйн тодорхой хугацаанд төлөхөөр худалдан авсан эсвэл зарсан бараа материал.

Хагарал (Fracture) - Чулуулаг дахь хагарлаар бий болсон нүхээр эрдэс агуулж байгаа шингэн урсах. «Хөндлөн хагарал» гэж үндсэн хагарлын чигээс перпендикуляр байдлаар бага зэрэг дээш, доошоо жижиг цууралт үүсэх.

Хэсэг чулуулаг (Fragmental rock) Бие биетэйгээ талсжсан эрдсийн ширхгээс ялгаатай жижиг хэсгүүд буюу хүдрийн хэлтэрхийгээс бүрдсэн чулуулаг. Илүү тодруулбал туфф, бөөн чулуулаг зэрэг хэсгүүдээс бүтсэн галт уулын чулуулаг. Түүнчлэн хойшид хэрэглэхдээ пирокласт чулуулаг гэж дуудна.

Чөлөөт тээрэмдэлт (Free milling) Даралтат уусгалт буюу химийн бусад бодис ашиглан баяжмалаас нь ангилаагүй нунтагласан үнэт металлын алт, мөнгө бүхий баяжмал. Хувьцааны бүрэн үнэлгээ (Fully diluted, of shares or earnings) - Компаний хувьд байж болох хамгийн их хувьцааны хөрвөх чадвар. Энэ нь өр, эрх баталгаа ба опцион зэрэгт хөрвөх дээд үнэ.