Манай улс анх удаагаа үндэсний нүүрсний ангилалтай болохоор ажиллаж эхэлжээ. Өмнө нь манай улс ЗХУ-ын үеийн нүүрсний ангиллыг хэрэглэдэг байсан бөгөөд өөрийн гэсэн үндэсний ангилалгүй байж.
Үүний улмаас экспотод гарч буй нүүрсийг жишиг үнээр тооцож, ашигт малтмалын нөөц ашигласны төлбөр авдаг байна. Жишиг үнээр тооцож татвар авах нь учир дутагдалтайгаас гадна манай нүүрсний салбарынханд хохиролтой байдаг аж. Тиймээс Монголдоо нүүрсний чанараас хамаарч үнэ тогтоодог болох нь нэн шаардлагтай болсон тул ийнхүү үндэсний нүүрсний ангилал гаргаж, хэрэгжүүлэхээр ажиллаж эхэлжээ.
Одоогоор Уул уурхайн сайдын тушаалаар байгуулсан Ажлын хэсгийнхэн нүүрсийг "геологийн, бүтээгдэхүүний” гэсэн хоёр ангилал гаргажээ. Тодруулбал,
- Геологийн буюу түүхий нүүрсийг антрацит, чулуун, хүрэн нүүрс,
- Бүтээгдэхүүн буюу экспортын нүүрсийг коксжих, хагас коксжих, сул коксжих, эрчим хүчнийх гэж ангилжээ.
