Тэртээх 1921 оны энэ өдөр Манай улсын улс төрийн ууган нам болох Монгол ардын нам байгуулагдаж өдгөө 93 нас хүрч байгаа билээ.Уг өдрийг "Эх орондын өдөр" болгон тэмдэглэх болсон. "Эх орончдын өдөр" тохиож байгаатай холбогдуулан 13.00 цагт ИХ жанжин Д.Сүхбаатарын хөшөөнд цэцэг өргөв.
Мөн Тусгаар тогтнолын ордны Удирдах зөвлөлийн танхимд МАН-ын гишүүд дэмжигчдэд шагнал гардуулах ёслолын ажиллагаа болж байгаа аж. Уг хүндэтгэлийн ажиллагаанд МАН-ын дарга М.Энхболд, Ерөнхий нарийн бичгийн дарга Ж.Мөнхбат нар оролцож байна.
Мөн "Эх орончдын өдөр"-т зориулсан улс аймгийн цолтой бөхчүүдийн барилдаан өнөөдөр 14:00 цагт Монгол бөхийн өргөөнд эхэлнэ. Энэхүү уламжлалт барилдаанд улс аймгийн алдар цолтой 224 бөх зодоглох аж. Өнгөрсөн жил мөн тооны хүчтэн барилдаж, улсын заан Д.Баасандорж түрүүлэн, улсын начин Р.Пүрэвдагва үзүүрлэсэн билээ.
Ч.Ариунболд
