Монголын
Залуучуудын Холбооноос 22 дэх жилдээ,Монгол Улсын Их Хурлын дарга
З.Энхболдын ивээл дор 3 дахь жилдээ зохион байгуулагдаж буй "ЭВРИКА”
багш, оюутны онол практикийн эрдэм шинжилгээний их хурал тун удахгүй
зохион байгуулагдахаар болжээ.
Уг
эрдэм шинжилгээний хурал нь тухайн ондоо сургуулийнхаа эрдэм
шинжилгээний бага хуралд эхний 3-н байр эзэлсэн оюутнууд, тэргүүн байр
эзэлсэн багш нарын шилдэг бүтээлүүдийг шалгаруулж нэгдсэн хуралдаан
зохион байгуулж олон нийтэд эрдэм шинжилгээний ажлыг сурталчлан
таниулах, бодит ажил болгох, дэмжлэг үзүүлэх, судалгаа-шинжилгээний ажил
хийх сонирхолтой залуусын тоог нэмэгдүүлэх замаар мэдлэгт суурилсан
нийгмийн хөгжилд хувь нэмэр оруулах зорилготойгоор зохион байгуулагддаг
билээ. Жил бүр уламжлал болгон зохион байгуулагддаг энэхүү эрдэм
шинжилгээний хурал нь энэ жилээс эрдэм шинжилгээний их хурал болон
зохион байгуулагдаж байгаагаараа онцлог юм.
Дээд
боловсролын сургалтын бүх чиглэлийг хамарсан залуу багш, оюутны
үндэсний хэмжээний "ЭВРИКА-2015” эрдэм шинжилгээний их хурлын I үе шат
2015.01.15–2015.03.28 хүртэл Их дээд сургуулийн шалгаруулалт, II үе шат
2015.03.25–04.04-ний хугацаанд Эрдэм шинжилгээний Салбар хуралдаан буюу
бага хурал зохион байгуулагдах бол III үе шат 2015.04.11-нд Төрийн
ордны их танхимд Эрдэм шинжилгээний Нэгдсэн ИХ ХУРАЛ тус тус зохион
байгуулагдах аж.
Оролцогчид
нь Илтгэгчийн CV /цээж зурагтай/, Оюутнууд сургуулийнхаа ЭШБХ-д 1-3
байр эзэлсэн тухай баримт, тодорхойлолт, илтгэлийг цаасаар болон файлаар
ирүүлэх юм байна. Салбар хуралдаанд оролцох шаардлага хангасанилтгэлийг
2015 оны 03-р сарын 22-нийг хүртэл Монголын Залуучуудын Холбооны төв
байрны 204 тоотод хүлээн авах бөгөөд ирүүлсэн материалыг шүүгчид
судалгааны ажлын үндэслэл, нийгэм-эдийн засгийн хэрэгцээ шаардлага,
шинэлэг санаа, практик ач холбогдол, илтгэх чадвар гэсэн дээрх 5
шалгуураар шилдэг илтгэлийг шалгаруулах юм байна. Мөн оролцогчид event@myf.mnгэсэн цахим хаягаар материалаа явуулж болох юм байна.
