Эрхэм
уншигчид та бүхэнд өнөөдрөөс эхлэн манай сайт "Эрдэнэт" үйлдвэрийн,
Баяжуулах фабрикийн хэсгийн ахлагч, гэрэл зурагчин Х.Баяраaгийн гэрэл
зурагнуудаас цувралаар нийтлэж та бүхэнд хүргэх болно.
Эрдэнэтийн-Овооны
зэс, молибдены ордын хүдрийн биет нь уртаар 25 км, өргөнөөр 1.5-3 км
орчим, зүүнээсээ баруун тийш сунаж тогтсон ба 4 үндсэн хэсгээс бүрдэнэ.
Үүнд: Төвийн болон Баруун хойд, Зүүн өмнөд, Цагаанчулуут зэрэг хэсгүүд
багтдаг. Авто тээврийн зам барьж байгуулах, засварлах мөн овоолгын
ажлуудыг Япон, АНУ, Германы уулын тоног төхөөрөмжүүд болох "Liebherr”
фирмийн PR-764, Японы "Komatsu” фирмийн D-275A, 824G, WD-500 гинжит
болон дугуйт бульдозерууд, WA-800, WA-600, Liebherr L-581 шанагат ачигч,
"Caterpillar”-ын CAT-16Н автогрейдер зэрэг техникээр гүйцэтгэж байна. Уурхайд уулын тоног төхөөрөмжийн бүх төрлийн засвар хийх бүрэн
боломжтой цех ажилладаг. Тус уурхай жилд 15000 тонн усанд тэсвэртэй
эмульсын тэсрэх бодис үйлдвэрлэдэг бөгөөд тэсэлгээний хэрэгсэлд
Австралийн "Оrica Exsel”-г ашигладаг. 2009 оноос АНУ-д үйлдвэрлэсэн
"Rothenbuhler engineering” фирмийн алсын зайнаас тэсэлгээг явуулах
аппаратыг уурхайн тэсэлгээнд нэвтрүүлээд байна.
Баяжуулах фабрик нь хүдэр бутлах, нунтаглах, хөвүүлэн баяжуулах,
гарган авсан зэс, молибдены баяжмалыг шүүн хатаах, ачих, хаягдал
хуримтлуулах гэсэн технологийн нарийн бүтэц, зохион байгуулалттай
үйлдвэрлэлийн үндсэн цех юм. Автотээврийн байгууллага нь технологийн
тээвэр, төрөл бүрийн маркийн автомашины, тусгай зориулалтын машин
механизмын гэсэн үндсэн гурван хэсэгтэй. Эдгээр хэсгүүдийн автомашинд
үйлчлэх авто засварын гурван газартай, 830 гаруй ажилчидтай юм.
Гэрэл зургийг хуулбарлаж олшруулахыг хориглоно албан ёсны эрхтэйгээр нийтлэв
erdenetinfo.mn
