Тэмцээний зорилго:

Энэхүү спортын тэмцээн нь эрдэс баялагийн салбарт үйл ажиллагаа явуулж буй байгууллага, аж ахуйн нэгжүүдийг хооронд нь танилцуулах, эрдэс баялагийн салбарт нийтийн биеийн тамирыг хөгжүүлэх, Монголын уул уурхайн үндэсний ассоциацийн 20 жилийн ойг тэмдэглэн өнгөрүүлэхэд оршино.

1.        Хамрах хүрээ:

Монголын уул уурхайн үндэсний ассоциацийн гишүүн аж ахуйн нэгж, байгууллагын баг тамирчид оролцоно. Тухайн байгууллага гишүүнээр элсээд 1 жил болсон байна.

2.        Спортын төрлүүд

1.        Сагсан бөмбөг /8 эрэгтэй 8 эмэгтэй/

2.        Гар бөмбөг /9 эрэгтэй/

3.        Шатар /1 эрэгтэй, 1 эмэгтэй/

4.        Ширээний теннис /1 эрэгтэй, 1 эмэгтэй/

3.        Тэмцээн явагдах хугацаа, газар зохион байгуулагчид

4.        Тавигдах шаардлага.

·         Тэмцээнд оролцох багууд техникийн зөвлөгөөнд ирэхдээ баг тамирчдын мэдүүлэг, цахим үнэмлэх, нийгмийн даатгалын дэвтэр, 1 хувь цээж зураг холбогдох бичиг баримтуудыг бүрэн авч ирсэн байна. Тамирчин нь тухайн аж ахуйн нэгжид сүүлийн 6-н сараас доошгүй хугацаанд ажилласан байна. Багууд мэдүүлгээ 2 дугаар сарын 17-ны өдрөөс өмнө bolorerdene@miningmongolia.mn и-мэйл хаягаар ирүүлсэн байна.

·         Тэмцээнд дээд лигийн 2011, 2012, 2013 оны сагсан бөмбөг, волейболын Үндэсний дээд лигийн тэмцээнд оролцсон тоглогчдыг оролцуулахгүй. Үүнд 2013 оны волейболын күлбүүдын тэмцээн хамаарна.

·         Сагсан бөмбөгийн Спрайт лигийн тамирчин тухайн багт 1 тоглогч оролцон тоглож болно. Тухайн тамирчин нь байгууллагадаа 6-н сараас доошгүй хугацаанд ажилласан, үндсэн ажилтан байна. /Багийн мэдүүлэгт спрайт лигийн 1 тоглогч байна./

·         Ширээний теннисний үндэсний лигийн тэмцээнд оролцон тоглосон тамирчин тус  тэмцээнд оролцохгүй.

·         Тэмцээний мэдүүлэг, холбогдох бичиг баримтыг үндэслэн тэмцээнд оролцох эрхийн мандат, байгууллагын хаяг олгоно.

·         Тэмцээн эхлэх эхний тоглолт бүрийн өмнө багийн тамирчдын мандатыг ерөнхий шүүгч хүлээн авч тулгалт хийнэ.

·         Тэмцээнд оролцох баг тамирчид тоглолтын жигд хувцас, хувийн дугааруудтай байна.

·         Оролцогч багууд өмссөн өмсгөл дээр өөрсдийн байгууллага, аж ахуйн нэгжийн эмблем, логотой байх ба аж ахуйн нэгж байгууллагаа сурталчилж тэмцээнд оролцож болно.

·         Маргаан гарсан тохиолдолд тэмцээний ерөнхий шүүгчийн шийдвэрт хүндэтгэлтэй хандаж, ямар нэгэн асуудлаа багийн ахлагч бичгээр хүргүүлнэ.

·         Тэмцээнд оролцох багууд Буянт-Ухаа спортын ордонд спортын хувцас хэрэглэлтэй байх ба тоглолтын талбайд зөвхөн тоглох 2 баг орж ирж тоглолтоо хийнэ.

5.        Тэмцээний дүрэм журам, техникийн зөвлөгөөн.

Тэмцээний дүрмийг техникийн зөвлөгөөн дээр оролцох багуудын тооноос хамаарч тохирно.

Мөн тэмцээний турш сахилга бат, зохион байгуулалтын журмыг техникийн зөвлөгөөн дээр хэлэлцэж батална.

6.        Тэмцээний техникийн зөвлөгөөн

Спорт наадам-2014 тэмцээний техникийн зөвлөгөөн 2014 оны 2 дугаар сарын 17-ны Даваа гаригийн 13:00 цагт МУУҮА-ийн хурлын танхимд болно.

7.        Эрхийн төлбөр

Тэмцээнд орох багуудын эрхийн төлбөр 300.000 төгрөг байна. Эрхийн төлбөрийг техникийн зөвлөгөөнөөс өмнө МУУҮА-ийн 5038005307 тоот дансанд тушаасан байх бөгөөд багийн мэдүүлгийн хамт мөнгө тушаасан баримтаа ирүүлсэн байна.  

Жич: Ганцаарчилсан төрөл буюу зөвхөн шатар, ширээний теннисний төрөлд тухайн байгууллага оролцох бол эрхийн төлбөр 100.000 төгрөг төлсөн байна.

8.        Шагнал

Тэмцээний төрөл тус бүрт:

1-р байр Алтан медаль, цом, өргөмжлөл, мөнгөн шагнал, гарын бэлэг

2-р байр Мөнгөн медаль, өргөмжлөл, мөнгөн шагнал, гарын бэлэг

3-р байр Хүрэл медаль, өргөмжлөл, мөнгөн шагнал, гарын бэлэг

Тэмцээний төрөл тус бүрт шилдэг 3, 3-н тоглогчийг шалгаруулж  цом,  мөнгөн шагналаар шагнаж урамшуулна.

9.        Бусад

Тэмцээнтэй холбогдох асуудлаар МУУҮА-ийн оффисийн 314877, 331770, гар утас 99166335 дугаарын утсаар, мөн Ерөнхий шүүгч, улсын шүүгч Ц.Оюунбилэг /88724449/ нартай холбогдож нэмэлт тодруулга авч болно.

Зохион байгуулагч:

Монголын Уул Уурхайн Үндэсний Ассоциаци

2014 он