Уур амьсгалын өөрчлөлтийн тухай Парисын гэрээний зорилтыг зөрчсөнөөс үүдэж болзошгүй гамшгаас сэрэмжлэхийн тулд 2050 он гэхэд нүүрсний хэрэглээг зогсоох талаар эрдэмтдийн уриалгыг Австрали улс няцаалаа.

Дэлхийд нүүрсний экспортоор тэргүүлэгч тус улсын удирдагчид НҮБ­ын уур амьсгалын өөрчлөлтийн Засгийн газар хоорондын зөвлөлөөс гаргасан нүүрсийг цахилгаан үйлдвэрлэлд ашиглахыг зогсоох тухай зөвлөмжийг "хариуцлагагүй” гэж шүүмжилжээ.

Нүүрснээс хавьгүй илүү сайн, цэвэр технологи бий болох эсэхийг би хэлж мэдэхгүй байна. Ийм зүйл ярих нь хариуцлагагүй явдал

Канберра түүнчлэн хүлэмжийн хийн ялгаруулалтыг багасгахаас илүүтэйгээр дотоодын Цахилгааны үнийг хямдруулах зорилтыг эн тэргүүнд тавьж буйгаа дахин мэдэгдсэн байна.

Уул уурхайн яаманд ажиллаж байгаад Австралийн Байгаль орчны сайдаар томилогдсон Мелисса Прайс "2050 онд нүүрсийг хална гэдэг нь нумаа хэтэрхий чанга татсан хэрэг. Тэр үед нүүрснээс хавьгүй илүү сайн, цэвэр технологи бий болох эсэхийг би хэлж мэдэхгүй байна. Ийм зүйл ярих нь хариуцлагагүй явдал” гэжээ.

Австрали ийнхүү эсэргүүцэж буйг цахилгаан, эрчим хүчнийхээ гуравны хоёрыг нүүрснээс гаргадаг, 2017­2018 оны санхүүгийн жилд 61 тэрбум австрали долларын өртөгтэй нүүрс экспортолсон зэргээр тайлбарлаж болно.

Хүлэмжийн ялгаруулалтыг бууруулах санал үндэсний эдийн засагт сөрөг нөлөөтэй үед уур амьсгалын асуудлаарх уриалгыг дэлхийн удирдагчдаар дэмжүүлэхэд ямар бэрхшээлтэй нь эндээс харагдана. түүнчлэн австралид нүүрсний лобби маш хүчтэй хэвээр бөгөөд улс төрийн намуудад хандив өргөж, телевизээр идэвхтэй сурталчилгаа явуулдаг. НҮБ­ ын зөвлөмжийг гаргахад 91 эрдэмтэн оролцож даваа гарагт тайлангаа танилцуулсан юм. Үүнд дурдсанаар энэ зууны эцэс гэхэд дэлхийн дулаарал жилд дунджаар цельсийн гурван хэмд хүрэх бөгөөд энэ нь манай гараг дээрх амьдралыг сүйтгэж болзошгүй түвшин гэнэ.

Шүрэн арлууд хоёр хэмийн дулааралд устах боловч Парисын гэрээний дагуу уг хэмжээг 1.5 хэмд барьж чадвал зарим нь үлдэж болохыг эрдэмтэд таамаглажээ. Дэлхийн хамгийн том усан доорх шүрэн хадны систем болох их хаалт цохио 2016 болон 2017 оны үргэлжилсэн их халууны дараа хэмжээнийхээ хагасыг алдсан байна. Ийм хөнөөлт үзэгдэл ч Канберрагийн нүүрсний бодлогод өөрчлөлт оруулсангүй. Австралийн Сан­ гийн сайд Жош Фрайденберг "хэрэв бид нүүрсийг эрчим хүчний тогтолцооноосоо хасвал австралийн зүүн эрэг гэрэлгүй болно. ийм энгийн үр дагавартай” гэжээ.

Австрали улс 2030 он гэхэд хүлэмжийн хийн ялгаруулалтыг 26­28 хувь бууруулах Парисын зорилтыг үл биелүүлэх төлөвтэй байгааг онцолж байна

Канберра хүлэмжийн хийн ялгаруулалтын өсөлттэй тэмцэхгүй байгаа нь нөгөө талаар либерал үндэсний эвслийн популист байр суурьтай холбоотой. Эвслийн Засгийн газрын үед тус улс 2014 оны нүүстөрөгчийн татварыг халсан анхны орон болов. Уг арга хэмжээ хэдэн жилийн турш ялгаруулалтыг багасгахад нааштай нөлөө үзүүлсэн юм. Уур амьсгалын мэргэжилтнүүд Австрали улс 2030 он гэхэд хүлэмжийн хийн ялгаруулалтыг 26­28 хувь бууруулах Парисын зорилтыг үл биелүүлэх төлөвтэй байгааг онцолж байна. Тус улсын уур амьсгалын байгууллагын захирал Кейт Макензи "Сүүлийн цөөн жил ялгаруулалт бараг бүх салбарт өслөө. Ялангуяа, 2014 оны нүүрстөрөгчийн бодлогыг цуцалснаас хойш бүр нэмэгдсэн” хэмээн тайлбарлажээ.

Тэрбээр "Австрали улсад үндэсний эрчим хүчний ялгаруулалтын талаар уялдаатай бодлого алга. Нүүрс шатаадаг хуучин цахилгаан станцуудыг солих явцад ийм бодлого хэрэгжүүлэхэд хялбар баймаар юм. түүнчлэн тээврийн бодлого гэх мэт салбарт бид жишихүйц орнуудын ард хаягдаад байна” хэмээн шүүмжилсэн байна.

Жэми Смит