- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
О.Цэрэннадмид:"Сентерра гоулд"компанид олгосон ашиглалтын лиценз бүгд хуурамч
Ноён уулын ай сав газарт алтны олборлолт явуулах "Сентерра гоулд" компанийн ашиглалтын дөрвөн лицензийг хүчингүй болгуулах шүүх хурал энэ сарын 23-нд Захиргааны хэргийн анхан шатны шүүхэд эхэлсэн боловч хариуцагч талын хүсэлтийн дагуу хурлыг ирэх сарын 6-ныг хүртэл хойшлуулсан. Энэ талаар "Ноён уулаа аваръя" төрийн бус байгууллагын тэргүүн, Сэлэнгэ аймгийн Мандал сумын иргэн О.ЦЭРЭННАДМИДТАЙ ярилцлаа.-"Сентерра гоулд” компанийнхан хилийн зураглалын талаарх лавлагаа авах шаардлагатай гэсэн хүсэлт тавьсны дагуу шүүх хурал хойшилсон гэлээ. Энэ нь ямар учиртай юм бэ?
-Засгийн газрын төлөөлөгчөөр сууж байгаа Уул уурхайн яамны мэргэжилтэн "Хилийн зураглалын талаар ярилцаж байна” гэсэн санал хэлж шүүх хурлыг хойшлуулсан. Уг нь тэрхүү лавлагааг лицензээ авахаас өмнө авчихсан байх учиртай. Үүнээс харахад "Сентерра гоулд” ХХК Монгол Улсын хуулийг зөрчиж, зөвшөөрөл авсан нь тодорхой болж байгаа юм.
-"Сентерра гоулд” компанийн ашиглалт явуулах талбай нь хамгаалалтын бүсийн гадна байдаг гэсэн тайлбарыг тэд хэлдэг юм билээ?
-Ноён уулын ай сав газар орон нутгийн тусгай хамгаалалттай бүс. Түүнийг Сэлэнгэ аймгийн Мандал сумын иргэдийн нийтийн хурлын тогтоолоор хамгаалсан. Тодруулбал, 2015 оны аравдугаар оарын 28-ны өдөр хууль бус тогтоолоор 11 мянган га газрыг төрийн хамгаалалтад авсан. ИТХ-ын төлөөлөгчийн 50-иас дээш хувь нь хуралдаж байж гаргасан тогтоол, шийдвэр хүчин төгөлдөр болдог.
Гэтэл манай сумын ИТХ-ын 31 төлөөлөгчийн 11 нь хуралдаад хууль бусаар дээрх шийдвэрийг гаргасан байдаг. Хамгийн гол нь хууль бус шийдвэрээрээ "Сентерра гоулд” компанийн ухах талбайг хамгаалалтын бүсийн гадна талд үлдээж байгаа юм. Ноён уулын ай сав газрыг бүхэлд нь төрийн тусгай хамгаалалтад авах ёстой.
-Ашиглалтын болон хайгуулын зөвшөөрөл авах гэж буй аж ахуйн нэгж, компаниуд холбогдох хуулийн дагуу шаардлагатай материалыг бүрдүүлдэг. Тухайн компани дээр дурдсан лавлагаанаас гадна шаардлагатай бусад материал, баримт нотолгоогоо шүүх хурал дээр үзүүлж байна уу?
-"Сентерра гоулд” компани лицензээ анхнаасаа хууль бусаар авсан. Учир нь, байгаль орчны нарийвчилсан үнэлгээ, усны шинжилгээ судалгааг хэзээ ч хийж байгаагүй. Үүнээс гадна эмийн болон олон наст ургамал, хорхой шавьж, араатан жигүүртэн, хөрс, цэвдгийн судалгааг ерөөсөө хийгээгүй атлаа лиценз авчихсан байгаа юм. Эхпээд лицензээ авчихаад дараа нь судалгаа, шинжилгээ хийдэг хууль Монголд байхгүй. "Ядаж та нар усныхаа судалгааг хийсэн үү” гэж асуухаар "Усны судалгааны ажлын хэсэг гарчихсан.
Судалгаагаа одоо хийж байгаа" гэсэн хариулт өгсөн. Үүгээрээ "Сентерра гоулд”-ынхан Захиргааны хэргийн давж заалдах шатны шүүхэд ямар ч судалгаа, нотлох баримт байхгүй гэдгээ хүлээн зөвшөөрч байна гэсэн үг. Мөн хүнцлийн агууламж болон цэвдгийн асуудлыг эрдэмтэд сая судалж гаргасан гэж байна билээ. Үүнээс үзэхэд эрдэмтэд нь хүртэл мөнгөөр амаа таглуулж, худлаа судалгаа гаргаж өгдөг болсон байна.
-Тэгэхээр ашиглалтын лицензээ авахаас өмнө шаардлагатай судалгаагаа хийж, баримт материалаа бүрдүүлээгүй байсан учир зөвшөөрлийг нь хүчингүйд тооцох ёстой биз дээ. Гэтэл шүүх хурлаас тэдгээрийг бүрдүүлэх хугацаа яагаад өгөөд байна вэ?
-"Сентерра гоулд” компанид олгосон ашиглалтын дөрвөн лиценз бүгд хууль бус, хуурамч. Ашигт малтмалын хэрэг эрхлэх газар ашиглалтын ногоон лицензийг ямар ч судалгаагүйгээр яагаад шууд "Сентерра гоулд” компанид олгосон гэдэгт гомдол гаргаж, маргаан үүсгээд явахаар гэнэт л бичиг баримт бүрдүүлдэг хууль үйлчилж байгаа нь Монголын эмгэнэл.
-Ноён уулд олгосон ашиглалтын лицензийг хүчингүй болгуулах шүүх хурал хэдэн удаа хойшилсон санагдаж байна. Ер нь хэдэн удаа ямар шалтгаанаар хойшилж байв?
-10 дахь удаагаа хойшилж байна. Ингэхдээ дандаа хариуцагч талаас гаргасан хүсэлтийн дагуу хойшилдог. Тэдний өмгөөлөгч хүртэл хувийн шалтгаанаар шүүх хурлыг гурван удаа хойшлуулж байсан. Тэгээд л янз бүрийн шалтаг шалтгаан гаргаж, хүсэлт тавиад эхэлдэг. "Сентерра гоулд" компани гуравдагч этгээдээр шүүх хуралд оролцож байгаа. Бид ашиглалтын лиценз хууль бусаар олгосон гэж Ашигт малтмалын хэрэг эрхлэх газартай маргаан үүсгэсэн. Гэтэл тэдний өмнөөс "Сентерра гоулд” компанийнхан давж ярьдаг. Хариуцагч тапынхан нэг ч үг дуугардаггүй. Ярих боломж ч олгодоггүй.
Уг нь хуулийнхаа дагуу гуравдагч этгээд хязгаарлагдмал эрхтэй шүүх хуралд оролцох ёстой. Монгол хүн хуулийн доор төрж, хуулийн дөр үхнэ. Хуулийг бид хүндэтгэж явах учиртай. Тиймээс бид тэдэнтэй хуулийн дагуу л ярина. Ноён уулын ай сав газрын аптыг "Сентерра гоулд" компанийнхан аль хэдийнэ барьцаанд тавьж, мөнгө аваад түүнийгээ оффшор дансандаа хийчихсэн учраас ингэж улангасаад байж магадгүй гэж сэжиглэж байгаа. "Сентерра гоулд” компани Киргизийн Кумторын алтны ордыг ашиглаж байгаа. Үндсэн хуульд зааснаар Монголын газрын хэвлий доорх баялаг бүх ард түмний мэдэлд бөгөөд төрийн хамгаалалтад байдаг.
Гэтэл монголчуудын өмч болсон тэрхүү баялгийг "Сентерра гоулд” компанийнхан 65 тонн алттай гэж хэлээд 165 сая ам.доллараар Эрээн гэдэг компанийн нэр дээр барьцаалан зээлдүүлэх газарт тавьчихсан. Мөн үүнээс өмнө тухайн баялгийг барьцаалж Европын сэргээн босголт хөгжлийн банкнаас 100 сая ам.доллар авч байсан. Үүнийгээ төлж барагдуулсны дараа буюу энэ сарын 15-нд "Ноён уулын ай сав газарт 120 тонн алт бий" гэж хэлээд 150 сая амдолларыг тухайн банкнаас хүсэмжилсэн байна билээ.
Тэгсэн атлаа манай улсад ярихаараа 50 тонн гэдэг. КанадынТоронто хот дахь манай төлөөлөгчид "Европын сэргээн босголт хөгжлийн банкинд Ноён уулын алтыг барьцаанд тавих гэж байна. Үүнийг энэ сарын 11-цд захирлуудын Хурлаар авч хэлэлцэнэ” гэсэн мэдээлэл бидэнд ирүүлсэн. Үүний дагуу Улаанбаатар дахь Европын Сэргээн босголт хөгжлийн банкинд очиж, Канадын Торонто хот дахь төв банктай нь видео хурал хийж "Монголын нийт ард түмний баялгийг та нар барьцаанд авч, нөөцийг нь ухах боломж олговол энд иргэний дайн гарна шүү. Тэр дайны хамгийн анхны обьект нь танай дахь Европын Сэргээн босголт хөгжлийн банк байх болно” гэж хатуу сануулсан.
-Ер нь Ноён уулын ай сав газар хэдий хэмжээний алтны нөөцтэй юм бэ?
-"Сентерра гоулд” компанийн олборлох цэг нь Ноён уулын хэвлийгээс хоёрхон км-ийн зайтай. Тэнд нийт 75 тонн алтны нөөц байгаагаас идэвхтэй нь 50 тонн гэдэг. Идэвхгүй 25 тонныг нь ухахгүй гэж "Сентерра гоулд”-ынхан хэлсэн. Ер нь тухайн газрыг 75 тонн алтны нөөцтэй гэдгийг хэн тогтоосон юм бэ. Тэнд чинь олон зуун жилийн тэртээгээс олборлолт хийж ирсэн байдаг.
-"Сентерра гоулд” компани яг хэнийх юм бэ?
-Жон Казакофф гэдэг хүнийх. Энэ хүний "Бороо гоулд” компани Их таширын нуруун дахь 43 тонн алтыг Тогтвортой байдлын гэрээгээр Монголд нэг ч төгрөг өгөхгүйгээр зөөсөн. Уг нь арван жилийн хугацаанд тухайн алтыг олборлохоор тохирсон боловч тавхан жилийн дотор ухаад дуусгачихсан. Үндсэн орд нь дуусчихсан гэсэн атлаа өнөөдрийг хүртэл тухайн компанийн алтны үйлдвэр ажиллаж байна. Тэгэхээр Их таширын нурууг 43 тонн алттай гэж хэн тогтоосон юм.
Хэрэв үндсэн орд нь дуусчихсан юм бол яагаад тэр компани ажиллаад байна вэ. Тэнд хэдэн зуун тонн алт байгаа учир л үйл ажиллагаагаа зогсоохгүй байна гэсэн үг. "Бороо гоулд" компаний! иргэд хүлээн зөвшөөрөхгүй төдийгүй найдваргүй болсон учир "Сентерра гоулд’’ гэдэг компанийг Жон Казакофф байгуулсан хэрэг. Энэ хүн Ноён уулан дээр зогсч байгаад монголчууд руу салаавч гаргасан. Тэгээд "Манай лобби бүлэг танай УИХ, Засгийн газарт ч байгаа. Бид лобби бүлгээрээ дамжуулан Урт нэртэй хуулийг чинь байхгүй болгоно. Ноён уулыг чинь ч ухна” гэж хэлж байсан удаатай.
С.Юмсүрэн
Эх сурвалж: "Монголын үнэн” сонин
О.Цэрэннадмид:"Сентерра гоулд"компанид олгосон ашиглалтын лиценз бүгд хуурамч
Та Like дарж уул уурхайн мэдээллийг өдөр болгон facebook-ээр дамжуулан авах боломжтой
URL:
Сэтгэгдлүүд:
Сэтгэгдэл нэмэх
Шинэ мэдээ
Санал асуулга
Тавантолгойн хувьцааг иргэдэд бэлнээр тараах нь зөв үү?
Ханшийн мэдээ
Гадаад хувьцаа
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Шинэ бүтээл
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани
Бүх эрх хуулиар Copyright © 2013 - 2017 | Ord.mn Монголын Уул Уурхайн Мэдээллийн Үндэсний Портал
Вэб сайтыг Aureola
Вэб сайтыг Aureola
